Nakasulod na sa round of 16 sa WTA 125 Birmingham Open ang Pilipina nga tennis star nga si Alex Eala.
Kini human niya gipildi si Priscilla Hon sa Australia sa score nga 6-0 ug 6-2.
Sa unang set, gidominar ni Eala ang dula, nahuman kini sulod sa 22 minutos.
Pagsulod sa ikaduhang set, si Hon, nga naa sa ranggo nga 143 sa WTA, nakabawi gamay, nalabyan ang 5-0 nga labaw ni Eala.
Wala tugoti sa Pilipina nga tennis star nga makuha ni Hon ang kadaugan, nahuman ang dula sulod sa halos usa ka oras.
Kini ang ikatulong panagtagbo tali sa duha, diin niadtong 2024 midaog si Hon sa Ningbo Open ug midaog si Eala sa ilang unang panagtagbo sa Roehampton Open niadtong 2023.
Sunod nga atubangon ni Eala ang bisan kinsa nga modaog tali nila ni Alina Charaeva ug Green Minnen.
