-- ADVERTISEMENT --
Gibutyag ni Vice President Sara Duterte-Carpio nga dili na masulbad ang iyang naputol nga relasyon sa kampo ni Presidente Ferdinand R. Marcos, Jr.
Kini tungod giisyuhan si VP Sara og subpoena sa National Bureau of Investigation (NBI) human sa bahad niini nga pagpatay batok sa pangulo, sa iyang asawa nga si First Lady Liza ug House Speaker Ferdinand Martin G. Romualdez.
Gibutyag ni VP Sara nga gusto gyud sa kampo ni Pang. Marcos nga matangtang siya sa gahum, ug midugang nga “tinuod” ang una niyang mga reklamo bahin sa mga hulga sa iyang kinabuhi.
Ang mga tensyon tali sa duha ang misamot human nga gibutyag ni VP Sara nga nagsuhol siya ug killer sa pagpatay sa Presidente, First Lady Liza, ug Mr. Romualdez kon siya ang mamatay.
