Mukabat na sa 644, 974 ang katibuk-ang doses sa covid vaccine nga naturok sa dakbayan.
Nagpadayon ang gihimong pagbakuna sa nagkadaiyang vaccination sites nga naa sa mga mall og sa mga Barangay.
Sa ulahing datos nga gihatag sa LGU Gensan, naa sa 361, 118 ang nabakunahan og 1st dose samtang 276,735 usab ang nakadawat og 2nd dose, og 7,121 usab sa booster dose.
Hangtud na lang ugma, Dec 29 ang himuong pagbakuna una ang pagtapos sa karon nga tuig, apan mubalik pag-usab ang vaaccination sa 2022 na.
Gipahimangnuan sa LGU ang publiko nga ang onsite Registration ang nagpadayon alang sa mga hamtong sa mga Mega Vaccination Sites.
Alang sa mga menor de edad nga magpabakuna, kinahanglan ang ilang birth certificate o PSA certificate, kauban ang ilang ginikanan nga adunay dala nga valid ID, o guardian nga adunay dala nga authorization sa ginikanan sa magpabakuna.
SA mga A3 kon Pediatric with comorbidity, ang onsite registration ang nagpadayon sa Dr Jorge P. Royeca Hospital og alang sa uban pang Pediatric Population, pwedeng magparehistro sa TAPAT o sa labing duol nga Rural Health Units.
Gilauman ni City Health Office Chief og Gensan IATF Incident Commander Dr. Rochelle Gajete-Oco, nga sa sunod nga tuig mudaghan pa ang magpabakuna.
