Gipagawas na sa Samahang Basketbol ng Pilipinas (SBP) ang FinaI 12 nga miyembro sa Gilas Pilipinas nga mosangka sa FIBA Asia Cup sugod karong Agosto 5 sa Jeddah, Saudi Arabia.
Gipangulohan kini nila Justin Brownlee, AJ Edu, Kevin Quiambao, Jamie Malonzo, June Mar Fajardo, Scottie Thompson, Dwight Ramos, Japeth Aguilar, Calvin Oftana, Chris Newsome, CJ Perez ug Carl Tamayo. Ang pagpili ni Gilas coach Tim Cone walay kalainan sa iyang gipili sa Asia Cup Qualifiers final window niadtong Pebrero.
Giangkon ni Cone nga nagduha-duha si Oftana nga modula apan gihatagan siya og go-signal sa iyang medical team.
Si Fajardo nakatakda usab nga modula bisan pa man nga adunay ‘calf injury’. Wala maapil sa listahan sila si RJ Abarrientos, Troy Rosario, Rhez Abando ug Zavier Lucero. Ang Gilas unang makigsangka sa Chinese Taipei sa Agosto 6 sa alas 2 sa hapon, sundan sa Australia sa Agosto 7 ug Iraq sa Agosto 9.
