GENERAL SANTOS CITY – Mipanaw na usab ang 7-anyos nga batang babaye nga usa sa duha ka bata nga nalumos sa usa ka ka swimming resort.
Kahinumduman nga nahimong kritikal sa balay-tambalanan si Crise Jane Demate, apan nakabsan sa kinabuhi sa ospital, Huwebes sa kaadlawon.
Kahinumduman nga dead on arrival kaniadtong Miyerkules ang 6-anyos nga si Tricia Amor Arendain human malumos ang duruha.
Kahinumduman nga nangaligo sa naasoy’ng resort ang mga pamilya sa nahisgutang mga bata human matud pa nakadaog ug premyo sa Christmas party.
Wala matud pa nabantayan ang duha ka bata nga miadto na diay sa lawom nga bahin sa swimming pool. Mikatag pa sa social media ang video samtang ginatabang ang usa sa mga biktima.
Hinuon, nagkaaregluhay na ang pamilya sa mga biktima ug ang management sa LC5 Farm and Swimming Resort.
Gumikan niini, nagpahinumdum ang mga otoridad ngadto sa mga ginikanan nga mahimong responsable sa pagbantay sa ilang mga anak, dungan sa mga kasaulugan ug lingaw-lingaw karong Pasko.
