GENERAL SANTOS CITY – Usa na lamang ang kulang sa tulo ka gipangayu nga rekositos aron hingpit nang mahimong syudad ang Polomolok.
Matud ni Polomolok Vice Mayor Eleazar Jovero nga nakuha na unta sa ilang munisipyo ang budget selling nga gipangayu sa Department of Budget nga P100 Million apan niining ulahi lamang gipatas-an kini ug gidugangan sa DBM.
Nasuta nga nanguna ang Polomolok sa napulo ka syudad nga naningkamut nga mahimong syudad nga dugay nang damgo sa mga opisyal sa lugar.
Giangkon pa sa opisyal nga sila ang labing adunahan nga munisipyo sa tibuok Mindanao human mikolekta ug dili muobus sa P100 Milyon sa duha ka nagsunod nga tuig.
Hinuon napasaran na ang duha ka rekositos nga ihap sa popolasyon ug ang sukod nga 100 kilometers nga sangkad nga gipangita sa Land Management Bureau.
Hinuon naglaum ang opisyal nga sa dili pa mahuman ang ilang termino mahinayon ang ilang damgo nga city hood.
