GENERAL SANTOS CITY – Gilauman nga tulo hangtud sa upat ka adlaw nga ipailawom sa lockdown ang BDO Pioneer Branch ning syudad sa Heneral Santos human nga may nagpositibo nga lima sa ilang mga empleyado.
Matud pa kang Kapitan Rock Garay sa Barangay Dadiangas South nga gilayon nga nakig-alayon ang ilang buhatan sa dihang nahibaluan ang maong impormasyon.
Gikadugang pa niini nga gikan sa nagkadaiyang mga barangay ang maong mga empleyado.
Giangkon ni Kapitan Garay nga wala sila miuyon sa gusto nga mahitabo sa maong bangko nga dili maglockdown luyo nga may nagpositibo sa COVID 19 sa maong establismento.
Gipahigayon gilayon ang contact tracing sa mga nakahimamat sa maong mga pasyente aron mamonitor ang ilang kondisyon.
Sa iyang pamahayag nga daghan ang gilauman nga malakip sa contact tracing kung asa nagtinabangay na ang tanan alang sa kahimsog sa katawhan.
