GENERAL SANTOS CITY – Upat ka miyembro sa PNP ang nalangkob sa natala nga 18 bag-ong nagpositibo sa coronavirus disease 2019 infection sa dakbayan sa Heneral Santos.
Base sa datos nga gipagawas nga case profile sa, lakip sa maong mga newly-reported cases ang upat gikan sa San Isidro; unom sa Calumpang; tig-duha ka kaso sa Labangal, Conel ug City Heights ug tig-usa ka pasyente sa Lagao ug Dadiangas North.
Lakip sa mga pulis nga bag-ong natakbuyan sa maong makamatay nga sakit ang 46 anyos nga policeman nga residente sa Labangal, 48 anyos nga police nga taga Dadiangas North, 35 anyos nga policewoman nga taga Conel og 45 anyos policewoman nga taga San Isidro.
Samtang sa bag-o usab nga mga kaso, tulo ang menor de edad, usa niini ang dos anyos nga batang lalaki ingon usab ang otso anyos nga batang babaye nga pulos taga Calumpang og 17 anyos nga lalaki nga taga City Heights.
Sa kasamtangan, misaka na sa 1,956 ang katibuk-ang kaso sa Covid-19 sa syudad, anaa sa 128 ang aktibo, 77 ang patay og 1,751 ang narekober.
