Gipahayag sa Egyptian national team ang ilang kasuko batok sa pipila ka desisyon sa referee atol sa ilang panagsangka batok sa Argentina sa Round of 16 sa World Cup 2026.
Nahitabo kini human pildihon sa reigning champion nga Argentina ang Egypt, 3-2, pinaagi sa usa ka comeback victory.
Lakip sa gikuwestiyon ni Egyptian head coach Hossam Hassan ang wala pag-ila sa ikaduhang goal sa Egypt human kini gisusi sa Video Assistant Referee o VAR.
Giinsister usab ni Hassan nga ang iyang koponan angay unta hatagan og penalty sa stoppage time sa wala pa makapuntos ang Argentina sa ilang ikatulong goal pinaagi sa header ni Enzo Fernandez nga nahimong daog sa South American team.
Matod sa coach, dako ang epekto sa maong mga desisyon sa resulta sa duwa ug ilang gibati nga napakyas sila sa patas nga oportunidad batok sa defending champion.
