GENERAL SANTOS CITY- Mamahimo nang magamit sa mga motorista sugod karong Septembre ang gina construct nga national Highway junction Mabuhay under pass project.
Kini human nagpaabot ug updated construction report ang Vicente Lao Construction Incorporated sa buhatan sa Mayor ning syudad.
Matud ni City Administrator Franklin Gacal Jr nga mamahimo nang sulayan ug agi sa mga motorista ang dul-an usa ka kilometro nga under pass project.
Basi matud pa sa report nga gisugdan na ug semento sa contructor ang outside lane pagawas sa syudad samtang mao usab sa incoming lane.
Kung magamit na ang under pass mas muluag na unya ang trapiko sa syudad.
Hinuon magpabilin nga sarado ang portion sa Dacera road tungod padayon ang construction . Hinuon gipaklaro ni Atty Gacal nga magpadayon ang pagtrabaho sa P650M nga proyekto.
Kahinumduman nga ginakwestyon sa Konseho ning syudad ang pagtuman sa contructor sa calendar days sa construction human nalangan ang pagpahuman Gensan Airport lakip ang dalan nga magsumpay sa City Heights ug Apopong ning syudad.
