GENSAN – Magsugod na karong adlawa, Lunes, Hunyo 16, 2025, ang klase sa tanang pampublikong tunghaan sa tibuok nasud lakip na ang Region 12, subay sa opisyal nga school calendar sa Department of Education (DepEd).
Sa tibuok rehiyon lakip na ang South Cotabato, Cotabato Province, Sultan Kudarat, Sarangani ug General Santos City ang andam na ang mga eskwelahan sa pagsugat sa liboan ka mga estudyante nga mobalik sa klase human sa bakasyon.
Matod sa DepEd Region 12 natapos na ang mga preparasyon atol sa Brigada Eskwela .
Giinspeksyon usab ang mga classroom ug school facilities aron masiguro nga luwas ug andam ang tanan.
Dire sa dakbayan sa Heneral Santos ang sayo pa sa buntag, nabantayan ang kasamok sa mga dalan ug sa ubang parte sa SOCCSKSARGEN tungod sa kadaghang sakyanan ug mga ginikanang naghatod sa ilang mga anak paingon sa tunghaan.
Ang pila ka mga dagkong kalsda sama sa Pedro Acharon Boulevard, NLSA Road, ug Mabuhay Road, naay kasamtangang trapik tungod sa simultaneous school opening.
Samtang ang kapulisan ang gibutang sa strategic nga mga eskwelahan aron masiguro ang kaluwasan sa mga estudyante, samtang ang mga maestro ug maestra andam na sa ilang mga lesson ug welcome activities.
Gipahimangnoan sa DepEd ang tanang magtutudlo nga sundon ang mga protocol sa siguridad ug kahimsog, ilabi na kay panahon na sa ting-ulan.
