Gikatakdang modawat ang Philippine Air Force (PAF) og pito ka S-70i Black Hawks.
Matud ni PAF nga si Col. Ma. Christina Basco ang spokesperson nga ang pito ka Black Hawk helicopter kabahin sa 32 ka helicopter nga napalit na sa gobyerno para sa modernization program.
Ang turn-over, acceptance ug blessing ceremony ipahigayon sa 250th Presidential Airlift Wing Hangar sa Col. Jesus Villamor Air Base sa Pasay City.
Si PAF Commanding General Lt. General Arthur Cordura ang pangunang bisita sa maong turn-over.
Ang maong dugang nga mga helicopter mopalig-on sa kapabilidad sa Air Force sa pagpahigayon og troop ug personnel transfers.
Apil usab niini ang humanitarian assistance ug pagtubag sa mga kalamidad.
Dugang ni Basco nga ang mas dagkong Black Hawks mohatag sa PAF og paspas nga air support sa national defense ug emergency operations.
