GENERAL SANTOS CITY – Tulo ang patay sa natigayon matud pang riot sa Greenville, Calumpang ning dakbayan.
Sa inisyal nga imbestigasyon, natigayon ang riot alas-11:00 kagabii, tali sa mga grupo sa batan-on, nga gituuhang gumikan nanggiinom ang mga nasampit tungod sa piyesta ni San Juan.
Usa pa lamang sa mga biktima ang nailhan nga si Reymark Bahay, 15 anyos, taga Prk Magnolia, Calumpang, may samad-dinunggaban sa likod, samtang ang laing duha nga may mga samad-dinunggaban usab ang wala pa nailhan.
Kasamtangan pang giimbestigahan sa kapulisan kon sa unsa nagsugod ang kagubot, kung asa wala pay makasaysay kalabot sa tinuod nga nahitabo.
Samtang, nakaplagan sa crime scene ang 35 inches nga kutsilyo nga may sakuban nga gibilin sa kilid sa gibuy-uran sa mga biktima. Sa pagkakaron, anaa na sa lokal nga punerarya ang mga patay’ng lawas sa mga biktima.
