Patay ang tulo ka tawo sa nahitabo nga pagbanggaanay sa Forward Truck og pick up sa Bentong Sulit, Polomolok, South Cotabato.
Ang namatay ang sakay sa pick up nga silang Emily Badilla, Shirley Badilla Lagos, Ailene Valencia ug Lorlyn Olila nga pulos nga taga Arakan, North Cotabato gumikan sa serious injuries nga naangkon.
Matud pa ni P/Lt. Sherwin Cervera, deputy chief of police sa Polomolok Municipal Police Station nga ang driver sa forward truck mao si Paquito Costan samtang ang drayber sa pick up mao si Alex Badilla nga anaa pa sa ospital.
Base sa inisyal nga impormasyon, gikan sa direksyon sa Koronadal City ang pick-up padulong dinhi sa Gensan, apan wala niini nabantayan nga miliko pasulod sa barangay Sulit ang forward truck hinungdan sa pagkabangga.
Kusog ang impact sa pagbangga hinungdan nga natumba ang froward truck ug nadusmo sa ilawom ang pick-up nga nagresulta sa pagka-angol sa driver ug mga sakay niini.
Samtang naangin ang motorsiklo sa insidente kung asa swerte nga naka ambak palayo ang driver sa dihang nakita nga padulong sa iyang direksyon ang pagkaligid sa forward truck.
