Hapit na nga sugdan ang tulo ka adlaw nga aktibidad sa Munato Festival sa Nobyembre 28, hangtud Nobyembre 30, 2021.
Matud pa ni Langlang Purisima, provincial tourism officer sa Sarangani nga bisag hugot nga gidili ang panagtapok gumikan sa COVID 19 apan padayon ang mga aktibidad nga ipahigayon virtually.
Ang mga aktibidad ang makit-an sa Facebook page sa MunaTo Festival kung asa kada adlaw daghang premyo ang ihatag sa Quiz MunaTo, MunaTo Pakulo ug Kahoot MunaTo.
Ang laing mga giandam nga mga aktibidad mao ang Munato film Festival, Munato virtual museum, Munato Talks, Munato Queen, Sarangani Got Talent, Jesus Reigns og kada gabii may aktibidad alang sa mga live audience.
Ang Munato film Festival, ang abli sa tanan bisag dili taga Sarangani apan ang shooting nakasentro sa probinsya nga ipromotar ang turismo.
Sa bahin sa Munato Queen, ang matag munisipyo sa probinsya ang magpapili sa ilang kandidata base sa qualification nga gikatakda nga 18 to 24 years old, fully vaccinated nga may contributions sa komunidad una o atol sa pandemya.
Ang tema karong tuiga mao ang “Kulturang Matatag” tungod nagpabiling lig-on ang panaghiusa sa Sarangan aron atubangon ang hagit sa pandemny.
Ang pulong nga Munato ang usa ka Blaan nga pinulungan nga ang Muna nagpasabot nga una og to nagtumbok sa tawo.
