GENERAL SANTOS CITY – Gilauman nga sa sunod semana sugdan na ang training sa mga atleta sa Region 12 alang sa matigayon nga Palarong Pambansa didto sa probinsya sa Antique.
Matud pa ni Anton Maganto ang tigpamaba sa DepEd-12 nga sa South Cotabato ipahigayon ang training sa mga atleta.
Gipaklaro pa niini nga dili usab malain kung mangandoy og taas nga pwesto ang rehiyon 12.
Matud pa nga target nila ang second place og dili ang first place gumikan sigurado nga maangkon sa National Capital Region(NCR).
Kini gumikan ang mga maayong players sa mga probinsya ang kuhaon sa taga NCR.
Kahibaluan nga ang kampeon sa SRAA Meet ang maoy magrepresenta sa Region 12 sa mahitabo nga Palarong Pambansa karong Abril 23 hangtud 29, 2017 sa Antique.
Sa miaging tuig nga Palarong Pambansa anaa sa ikapito nga pwesto ang Rehiyon 12.
