GENSAN- Padayon gihapon ang hugot nga kampanya sa kapulisan batok sa mga “Bora-Bora” nga mga paglapas sa dalan.
Sumala ni PLTCOL Patrich Elma sa Traffic Enforcement Unit sa GenSan, nagpadayon ang ilang operasyon ug adunay gihapong mga nadakpan o na-apprehend kabahin niini.
Iyang gipasiugda nga wala sila nagpakunhod sa pagbantay ug padayon ang implementasyon sa mga balaod sa trapiko.
Samtang, nagpabilin nga aktibo ang ilang mga aksyon aron masiguro ang kahapsay ug kaluwasan sa kadalanan.
Sa iyang mensahe sa publiko, iyang gihangyo ang tanang motorista nga mahimong responsable ug mosunod sa yano nga mga balaod sa trapiko.
Dugang pa niya, pinaagi sa disiplina ug pagsunod sa balaod, malikayan ang mga aksidente ug mapanalipdan ang kinabuhi sa matag usa.
