Nagpahimangno ang Traffic Enforcement Unit Gensan (TEU) sa tanang motorista nga likayan ang pagmaneho kon sila nakainom og alkohol o apektado sa iligal nga droga isip kabahin sa TEU Ligtas Paskuhan Campaign.
Sumala sa Republic Act No. 10586, ang mga mosupak niini pagasilotan og multa ug silot: alang sa non-professional drivers, mahimo silang multa-an og ₱20,000 hangtod ₱80,000 ug suspendihon ang lisensya hangtod tulo ka bulan; samtang sa professional drivers, multa nga ₱50,000 hangtod ₱100,000 ug posibleng permanenteng kanselasyon sa lisensya.
Kon adunay matabo nga pisikal nga kadaot tungod sa aksidente, ang silot mosaka gikan sa ₱100,000 hangtod ₱200,000 ug pagkakulong sumala sa Revised Penal Code.
Kung ang aksidente moresulta sa kamatayon, ang responsable mahimong multa-an og ₱300,000 hangtod ₱500,000, silotan sa pagkakulong, ug posibleng permanenteng kanselasyon sa lisensya.
