GENSAN – Nagpahimangno ang sa Traffic Enforcement Unit -Gensan sa tanang motorista, ilabi na ang mga nagamotor, nga kanunay magsuot og helmet ug mosunod sa mga balaod sa trapiko aron malikayan ang aksidente, labi na karong panahon sa Kapaskuhan nga misamot ang kadaghan sa mga sakyanan ug biyahe sa kadalanan.
Subay sa Republic Act 10054 o Motorcycle Helmet Act of 2009, gikinahanglan nga magsuot og DTI-approved nga helmet nga adunay PS Mark o ICC sticker ang drayber ug angkas, hustong sukat ug husto ang pagkakabit sa chin strap.
Samtang hugot usab nga gipahimangnoan ang publiko sa paglikay sa drunk driving ug pagpaniguro sa kaluwasan pinaagi sa pagtalaga og sober driver o paggamit og pampublikong transportasyon, tungod kay ang mga mosupak sa maong balaod ug uban pang lagda sa trapiko pagasilotan subay sa naglungtad nga mga patakaran.
