Testigong si Jimmy Guban temporaryong i-detain sa quarters ni Bucor Chief Capatang sumala sa Quad Committee

Temporaryong i-detain una sa quarters ni Bureau of Corrections (BUCOR) chief Gregorio Catapang ang testigo nga si Jimmy Guban.

Kini human gigarantiya ni retired General Catapang ang iyang seguridad.

Matod kang Quad Committee lead Chairman Rep. Robert Ace Barbers nga temporaryo lamang kini samtang ginaproseso pa ang pipila ka mga mahinongdanong dokumento aron ipailawom kini sa witness protection program.

Ang temporaryong pagpabilin ni Guban sa quarters ni Gen. Catapang aron masiguro ang iyang seguridad.

Giduot ni Guban sa iyang affidavit nga nalambigit sa illegal drug trade silang Rep. Paolo Duterte, Atty Mans Carpio og si kanhi presidential adviser Michael Yang.

Dugang pa ni Guban nga si Michael Yang makonsidera nga big time drug importer.