GENSAN- Nanawagan si Atty. Dominador Lagare Jr. ngadto sa mga katawham nga mangandam sa posibleng pagsaka sa presyo sa krudo ug uban pang kahinguhaan tungod sa nagkagrabe nga tensyon sa Middle East, nga susama sa nahitabo kaniadto sa gubat sa Iraq diin dako ang epekto sa merkado sa lana sa tibuok kalibutan.
Matod niya, ang kasamtangang pagpambomba sa Estados Unidos ug Israel sa mga oilfields sa mga nasud sama sa United Arab Emirates, Qatar, ug Bahrain maoy usa ka dakong hinungdan nga posibleng maghatag og “immediate impact” sa presyo sa krudo dinhi sa nasud.
Busa gitambagan niya ang publiko sa pagdaginot pinaagi sa carpooling ug maalamong paggamit sa mga kahinguhaan sa adlaw-adlaw, ug iyang gihangyo nga kini buhaton isip pagpangandam sa bisan unsang krisis nga moabot sa presyo sa enerhiya.
