GENERAL SANTOS CITY -Gibutyag sa pamilya Pejana nga idolo gayud sa namatay nga minahal sa kinabuhi si Senator manny Pacquiao.
Nagbangutan karon ang mga ginikanan og kabanay sa pagpanaw ni Teacher Nerio Pejana, 38 anyos nga residente sa Calabanit, Glan, Sarangani.
Ingon man ang mga kaubanan sa nasampit nga magtutudlo og iyang mga estudyante sa Big Margus Elem. School.
Kahibaluan nga giatake sa kasingkasing si Pejana pasado alas dos sa hapon niadtong Dominggo.
Samtang, nagtan-aw og away, mitindog ang nasampit sa round 9 og hilabihan ang kalipay. Apan wala gilauman kalit kini ng nawad-an og panimuot samtang anaa sa kan-anan.
Gidala ang nasampit sa Glan community Hospital apan gideklara sa mga doktor nga dead on arrival.
Apan sumala pa sa mga ginikanan, giatake na kanhi sa kasing kasing ang maong magtutudlo.
