Talpakan nalakbitan atol sa session sa Sangguaniang Panlungsod

GENERAL SANTOS CITY – Lakip nga nahisgutan sa session sa Sangguaniang Panlungsod ang kalabutan sa operasyon sa mga talpakan sa dakbayan.

Kini human nga nakadawat sila og report nga ang uban ang sige na og tapok sa talpakan hangtud kaadlawon.

Gilauman nga sa sunod nga session mas mapalawman ang maong hisgutanan.

Gibutyag nga ang maong isyu ang lakip nga hisgutan sa matigayon nga local IATF meeting.

Nasayran nga daghan ang gareklamo tungod ang ubang mga gatan-aw sa talpakan ang wala gasunod sa minimum health protocols og daghan nabalaka nga mas mukatag pa ang virus.

Sa gawas sa talpakan daghan ang gapondo nga mga triseykel og laing mga pribadong sakyanan.

Ang talpakan ang murag sinehan nga ang gipasalida ang sabong.