Syudad nagpanday og ordinansa nga kunhuran ang buhis tungod epekto sa COVID 19

GENERAL SANTOS CITY – Gihisgutan sa Sanguniang Panlungsod sa dakbayan ang kalabutan sa tax relief.

Sumala pa ni City Councilor Jeng Gacal, chairperson sa Committe on Finance nga apektado pagmaayo ang mga negosyante og katawhan sa tungod sa COVID-19.

Sa pamahayag pa sa nasampit nga opisyal nga 50% sa real property tax ang bayaran sa tax payers sa sunod tuig.

Gikadugang pa niini nga 50% usab ang bayaran sa mga negosyante alang sa ilang business tax.

Ang may pwesto sa palengke ang dili magbayad og walo ka buln nga buhis ngadto sa gobyerno.

Sa pagpaklaro ni Gacal nga ang maong lakang ang usa ka pamaagi isip tubag sa hangyo sa kadaghanan nga mga tax payers nga dili una magbayad og buhis gumikan sa kapait nga nasinatian sa epekto sa maong virus.