Nag atubang ug kasong murder ang mga-ama nga silang alyas “BJ”, 25 anyos, minyo, property custodian sa usa ka construction business, nga residente sa Pamintuan Street, Brgy Kalawag 2, Isulan, Sultan Kudarat, ug amahan niini nga si alyas Vincent, 44 anyos, minyo, negosyante, nga residente usab sa maong lugar.
Diin sila ang mga nakitang ulahing nakauban ug nitiro patay sa biktimang usa ka pulis nga si Police Executive Master Sargeant Geoffrey Angub, nga naka assigned sa Bagumbayan Municipal Police Station ug residente sa Sitio Bintana, Brgy. Kalawag 2, Isulan, Sultan Kudarat.
Base sa imbestigasyon sa Isulan MPS nga personal nga bangi (misunderstanding) ang ilang ginalantaw nga motibo sa insidente.
Kahinumduman nga nasayran sa pasiunang imbestigasyon nga natigayon ang krimen sa niaging adlaw alas 2:15 sa kadlawon sa Peneza Street, Brgy. Kalawag 2, Isulan, Sultan Kudarat diin ang biktimang si Angub ug si alyas Vincent ang nakitang magkauban nga nagbaktas sa nahisgutang lugar sa wala pa matigayon ang insidente.
Wala madugay aduna nay mga buto sa armas nga nadungog sa mga residente. Samtang si alyas “BJ” nga anaa ra usab doul sa area ang niabot ug gipusil makapila ang biktima nga hinungdan saiyang kamatayon.
Pagkahuman sa insidente nisulay matod pa ug sibat ang mga suspek. Sa gipahigayong follow-up investigation ug hot pursuit operation sa nasampit nga buhatan kauban ang lain pang mga unit sa Sultan Kudarat Police Provincial Office (SKPPO) malampusong nasikop ang mga suspetsado sakay sailang get-away vehicle nga kulay blue Ford Raptor alas 12:55 sa udto niadtong, Mayo 27, 2025 sa Crossing Repolyo, Brgy. Sulit, Polomolok, South Cotabato.
Narekober sa SOCO team ang mga ebidensya sama sa mga armas, bala, magazines asa anaa na karun sa kustodiya sa Sultan Kudarat Provincial Forensic Unit alang sa ballistic examination ug technical evaluation.
