Gipanawagan nga ipatuman na ang dugang suhulan sa mga magtutudlo sa nasud.
Kini ang gihingusgan sa pipila ka miyembro sa koalisyon o kahugpungan sa mga teacher sa gipahigayong forum sa E-net Philippines sa National Press Club kagahapong adlawa biyernes.
Matud kang Edelwisa Puri, sa grupong Action and Solidarity for the Empowerment of Teachers, pila na ka tuig kining delay ug layo pa gihapon sa dapat ginasweldo sa mga magtutudlo.
Dapat usab matud pa nga muabot na sa salary grade 20 ang sahod sa mga magtutudlo o anaa sa kapin P50,000.
Gihisgutan usab dinhi ang managlahing hisgutanan ug problema sa sektor sa edukasyon sama sa kakulangan ug boses sa mga magtutudlo para mapa-abot ang hangyo sa Department of Education (DepEd).
Sa karon, gihangyo nila nga magbaton ug maayos ug tin-aw nga pakig-dayalogo ang DepEd sa mga teacher para masayran usab sa mga nasampit ang mga plano ug programa para kanila.
Apil sa mga grupong mitambong ang Alternative Learning System – Manila, Teachers and Employees Association for Change Education Reforms and Solidarity, magtutudlo nga Nagbalik sa lungsod, Public Services Labor Independent Confederation, ug Lakas HS sa Botolan, Zambales.
