SOUTH COTABATO – “Strongly worded resolution” mao kini ang sugyot ni Hon. City Vice Mayor Rosalita Nuñez nga himuon sa mga LGUs ug mga Munisipyo nga nakapalibot sa coal mining sa Brgy. Ned sa Lake Cebu, South Cotabato.
Kini human nga nagpagawas ug mga pamahayag si Allan Marcilla, labaw sa City Environment and Natural Resources Office sa dakbayan may kalabutan sa mamahimong epekto sa nahisgutang coal mining sa mga kasikbit nga lugar.
Gikadugang pa ni Gensan City Vice Mayor Nuñez nga ihatag direkta sa opisina sa Presidente sa nasud ug hatagan usab ug kopya ang matag usa nga Senador isip pagbabag.
Gikadugang pa niini nga dili mahimong ilahi sa matag Syudad o LGU ang usag-usa gumikan konektado kini sa susamang mga hisgutanan.
Kahibaloan nga nagsugod na sa pag-operate ang mga heavy machinery sa maong coal mining site nga gihuptan sa tulo ka mga subsidiary sa Philippine conglomerate San Miguel Corp., kung asa gibana-banaan nga makagama ug 180 milyones ka metriko toneladang coal alang sa plano nga magtukod ug mine-mouth power plant apan kusganon kining gisupak sa mga environment activists, local Catholic Church ug ubang mga tribal groups.
