Strawberry Farm sa Benguet, naapektuhan sa pagbaha tungod sa kusog nga ulan

Naapektuhan sa pagbaha ang pipila ka bahin sa iladong Strawberry Farm sa La Trinidad, Benguet human sa padayon nga pag-ulan tungod sa Bagyong Maymay ug gipalig-on nga habagat.

Miabot sa tuhod ang tubig baha sa maong sikat nga pasyalan, hinungdan nga naantala ang pipila ka kalihokan ug naapektuhan usab ang mga tindahan ug establisimyento sa palibot.

Apan niadtong Biyernes, hinay-hinay nang misubsob ang tubig baha ug miayo na ang kahimtang sa maong lugar.

Pipila ka mga tindahan ug pwesto ang nakabalik na usab sa operasyon human sa pagbaha.

Sa pagkakaron, wala pa magpagawas og opisyal nga pagtantiya ang lokal nga mga otoridad kabahin sa kinatibuk-ang kadaot nga nahimo sa pagbaha.