GENERAL SANTOS CITY -Layo ra kaayo si Jeff Horn itandi kay Fighting Senator Manny Pacquiao kon speed og power ang hisgutan.
Matud pa ni Achilles Zonio, tigpamaba ni Senator Pacquiao, kini maoy giasoy sa mga higala niyang mamahayag sa Kauluhang Manila nga nitan-aw sa media workout ni Horn miaging adlaw.
Tataw nga ang linihukan sa Austraian boxer ang dili sama sa kapaspas sa Pinoy ring icon. Hinungdan nga sa prediksyon sa pipila nga basin dili maabtan og 6 rounds ang engkwentro.
Ug gani, nagkatawa si Zonio dihang gibutyag nga basin dili unya ma-ere atul sa commercial ang tanang sponsors ugaling mahuman og sayo ang away.
Wala usab kalikayan ni Zonio sa pagbutyag nga adunay pagkahambog si Horn human nga giasoy nga siya ang magparetiro kay Pacman. Apan namahayag si Sen. Pacquiao nga andam siya sa pagsaka sa boxing ring sa Dominggo.
Giawhag ni Zonio ang tanan nga maminaw sa Bombo Radyo alang sa mga updates matag adlaw og mismong engkwentro sa Pambansang kamao.
Ugma, ihunong na ni Pacquiao ang iyang pagbansay samtang adlaw nga byernes mupahulay aron pangandaman ang weigh-in karong adlaw nga sabado.
