GENERAL SANTOS CITY – Matigayon na ang pagsud-ong pag-usab sa mga aktibidad may kalabutan sa pagsaulog sa Tuna Festival.
Kini ang gikabutyag ni Eleordoro Alcaya Jr. sa tuorism office nga karung adlawa na ipahigayon ang soft opening luyo nga pipila ka semana na nga nagbarog ang flee market sa Oval Plaza.
Gawas sa soft opening, ipahigayon usab ang Grand opening sa September one ug makita ang mga aktibidad sama sa float parade ug ang street dancing.
Matud ni Alcaya nga open sa tanan ang pag-apil sa street dancing tungod adunay dagko nga premyo ang giandam sa syudad.
Gani bisan ug dili competing team sa float parade apan apil sila sa parada nga ipahigayon.
Ibalik pag-usab sa syudad isip kabahin sa aktibidad sa Tuna festival ang gikonsiderang usa sa mga highlinghts nga mao ang sugbahan sa dalan nga ipahigayon sa Pioneer avenue kung asa giandam na sa Gensan Chamber of Commerce ang mga kinahanglanon sa mga aktibidad.
Matud ni Alcaya nga nahimong pormal ang pakiglambigit sa kahugpungan sa mga negosyante sa dakbayan human ang MOA signing miaging adlaw nilang Mayor Lorelie Pacquiao ug Ben Claudio.
Gani daghang celebrity ang muabut sa syudad nga kabahin sa ipahigayon nga Tuna congress.
