Gikumpirma sa Commission on Elections (Comelec) nga siyam pa ka mga contractor ang mihatag og donasyon sa pipila ka mga kandidato sa 2022 elections.
Matod ni Comelec Chairman George Erwin Garcia, pito niini ang nanghatag og donasyon alang sa kampanya sa pipila ka mga senador, kongresista ug daghang mga political party-list.
Matod niya nga usa ka contractor ang nihatag ug donasyon sa 2-3 ka kandidato samtang laing kandidato ang nakabenepisyo sa tulo ka construction companies.
Karong semanaha, ang Comelec nisumite og listahan sa mga kontraktor nga nahatagan og mga flood control projects nga giingong naghatag og dugang pondo sa mga kandidato sa 2022 elections.
Sa laing bahin, gikatakdang isumite sa komisyon ang bag-ong siyam ka mga kontraktor ugmang adlawa ngadto sa House of Representatives (HOR) isip dugang ebidensiya sa nagpadayong imbestigasyon niining mga anomaliya nga flood controls projects.
