Nagplano si Senador Ronald “Bato” dela Rosa nga moduso og motion nga mag question sa hurisdiksyon sa 20th Congress sa impeachment case batok kang Bise Presidente Sara Duterte.
Atol sa press conference, si dela Rosa niingon nga iyang pangutan-on ang Senado sa 20th Congress kon andam ba sila nga saila maadto ang mga lakang nga gihimo sa 19th Congress kalabot sa impeachment complaint batok kang VP Sara Duterte.
Gipasabot sa senador nga kon makapangutana pa ang Senate impeachment court sa House of Representatives sa 20th Congress kon hugtan ba sila sa lihok sa 19th Congress sa ubos balay balaoranan, angayan usab nga kuwestiyonon ang bag-ong komposisyon sa Senado kon aduna ba silay hurisdiksyon sa pagpadayon sa impeachment trial.
Giklaro sa magbabalaod nga personal niyang pagtuo nga angayan usab nga kuwestiyonon ang pinakataas nga kapulungan ug nanghinaot siya nga suportahan kini sa mga kaubang senador sa Duterte bloc.
Dili pa usab klaro kung iduso na usab ni dela Rosa ang pagbasura sa impeachment case ni VP Sara. Matod niya nga una niyang ibalhin o klaruhon ang hurisdiksyon sa Senate 20th Congress sa kasong impeachment batok ni VP Sara.
Si Senate President Francis “Chiz” Escudero niingon nga posibleng ang Senate impeachment court modesisyon pinaagi sa simple majority vote kung ibasura ba o dili ang impeachment case batok kang Duterte. Siya niingon nga ang bisan unsang mosyon nga ipasaka kinahanglang desisyonan pinaagi sa simple majority votes.
Matod usab niya nga posibleng ma-dismiss ang impeachment case batok kang VP Sara base lang sa gisumite nga answer ad cautelam sa kampo ni Duterte. Kung gipangutana kung posible ba nga ma-dismiss ang kaso nga dili moagi sa pormal nga pagsulay – ug siya mitubag, “ang tanan posible.”
