Giprayoridad sa Senado ang panukalang balaod nga magdili sa paggamit sa social media sa mga menor de edad sa pagbalik sa sesyon sa Kongreso.
Kini ang gipasalig ni Senate President Win Gatchalian, kinsa miingon nga dili na angay nga mapag-iwanan ang Pilipinas sa nagkalapad nga mga lakang sa ubang mga nasud aron mapanalipdan ang mga bata batok sa posibleng peligro nga dala sa paggamit sa social media.
Matud ni Gatchalian, gikinahanglan ang mas lig-on nga proteksyon alang sa mga kabataan ilabina batok sa mga hulga sama sa online exploitation, cyberbullying, ug exposure sa dili angay nga mga sulod sa internet.
Iyang gipasabot nga importante ang pagpatuman og mga polisiya nga magbalanse tali sa katungod sa kabataan sa paggamit sa teknolohiya ug sa ilang kaluwasan sa digital nga palibot.
Dugang pa sa senador, kinahanglan nga magtinabangay ang gobyerno, mga ginikanan, mga eskwelahan, ug mga kompanya sa social media aron masiguro nga luwas ang online nga kasinatian sa mga bata.
