GENERAL SANTOS CITY – Gibawalan ni Sen. Manny Pacquiao ang iyang mga anak nga musulod sa boxing. Kini ang giangkon sa Bombo Radyo sa ikaduha niining anak nga si Michael.
Kini human giimbitahan si Michael kagahapong adlawa sa Sangguniang Panglungsod, ug gipasidunggan kauban ang uban pang magtutungha sa Hope Christian School, nga midaog sa natigayon nga National Battle of Math and Science sa National College of Science Technology sa Damariñas, Cavite miaging bulan.
Kahibaluan nga nag-second place si Michael sa Sci-Dama.
Hinungdan nga proud parents ang magtiayon nga Sen. Manny ug Jinkee Pacquiao. Samtamg, giangkon ni Michael nga buot usab unta niyang magboxing, apan masuko ug dili matud pa sila tugtan sa amahan gumikan delikado.
Hinungdan nga sa laing sports na lamang gigahin ang panahon, sama sa basketball ug boardgames sama sa Sci-Dama.
