GENERAL SANTOS CITY – Mao gihapon ang preparasyon sa kapulisan sama sa gipahigayon kaniadtong May 13, 2019 local ug national elections, kini ang gipasalig ni Lt. Col. Aldrin Gonzales tigpamaba sa Police Regional Office 12 kalabutan sa pagsugod sa election period.
Matud pa ni Gonzales nga may kalainan karon nga special elections tungod kay masentro lamang ang ilang pagbantay sa tulo ka munisipyo ug usa ka lungsod.
Nagtuo pa ang nahisgutang opisyal nga dali lamang mahuman ang nagkaduol nga election kini tungod usa lamang ang isulat sa balota sa mga botante apan gikinahanglan gihapon sa kapulisan ang paghatag ug atensyon.
Kahinumduman nga gibutyag sa kapulisan sa rehiyon nga bisan ug walay election nagpabilin nga naa sa hugot ang seguridad sa pagbantay sa palibut kini tungod nagpabilin ang gipatuman nga balaud militar dinhi sa Mindanao.
