Andam si Department of Public Works and Highways (DPWH) Secretary Vince Dizon nga pakunhuran ang proposed budget sa ahensya nga P881.3 bilyon ubos sa 2026 National Expenditure Program (NEP).
Partikular niyang gusto nga wagtangon ang mga proyekto nga gikonsidera nga mga red flags, nagpasabut nga mga proyekto nga kwestyonable.
Gihangyo ni Dizon ang panel nga hatagan sila og usa ka semana sa pagsusi sa gisugyot nga budget sa DPWH.
Gihatagan og gibug-aton ni Dizon nga dili na kinahanglan nga pundohan ang mga nahuman nga proyekto.
Si Dizon nipasalig sa house panel nga ilang papason ang tanang “red flag” projects.
Abli si Dizon sa pag-realign sa ilang pundo.
Una nang gitahasan ni Presidente Ferdinand Marcos Jr. si Dizon sa pag-revise sa 2026 budget sa maong ahensya, ilabi na nga adunay mga anomalosong proyekto nga nakit-an.
