GENERAL SANTOS CITY -Nakadawat ang probinsya sa Sarangani ug mukabat sa P358,096 nga kantidad sa nagkalain-laing binhi sa gulay gikan sa the Department of Agriculture 12.
Ang mga planting materials gilangkuban sa 4,100 packs sa Chopsuey, Sinigang ug Panakbet seeds kung asa mismong si DA Regional Executive Director Milagros C. Casis ang maoy mitunol niino, isip suporta sa food security program sa nasudnong gobyerno.
Kabahin matud pa kini sa katumanan sa kamanduan ni President Rodrigo Duterte nga makahatag ug available ug affordable nga pagkaon alang sa tanang Pinoy. Ipang-apud-apod ang naasoy’ng mga binhi sa pito ka munispalidas sa Sarangani, ilawom sa Sulong Kasaganaan Program sa probinsya.
Tungod niini, hilabihan matud pa ang kalipay ni Board Member Arman Guili, Committee Chairperson sa Agriculture, ug nagpdayag ug pagpasalamat as DA-12.
Sumala pa nga ang maong hinabang ang makatabang gayud sa probinsya alang sa programa sa lokal nga panggamhanan sa Sarangani aron ma-sustiner ang food sufficiency pinaagi sa pagpananum ug mga gulay sa mga residente sa ilang lataran.
