GENERAL SANTOS CITY – Karon hugot nga gipangandaman sa Sarangani Province ang pagbutang sa historial marker sa duha ka area sa probinsya nga kabahin sa giagian sa expedition sa grupo nilang Ferdinand Magellen og Sebastian Elcano.
Matud pa ni Boardmember Tranquilino Ruiz sa Sarangani nga ang duha ka historical marker ang ibutang sa Kamanga, Maasim og sa Batulaki, Glan, Sarangani Province.
Ang pagbutang sa quincentennial historical marker ang kabahin sa ika-500 ka tuig nga anibersaryo sa pag-abot sa grupo ni Magellan sa Pilipinas kaniadtong 1521 .
Sa miaging Marso 16, ang unang quincentennial historical marker ang gibutang sa Suluan., Guiuan, Eastern Samar ang lugar sa Pilipinas nga unang gidungguan sa grupo ni Magellan.
Gibutyag nga 34 ka mga historial markers ang gikatakda ibutang ning tuiga.
Kahibaluan nga human nga napatay si Magellan sa grupo ni Lapu-Lapu sa Mactan mihawa ang mga nasampit padulong sa Bohol.
Miadto gihapon ang mga nasampit sa Dumaguete City hangtud nakaabot sa Brgy. Kipit, Labason, Zamboanga del Norte, Mapun, Tawi-Tawi, Sitio Marikit, Brgy. San Juan, Aborlan, Palawan, Sitio Tagusao, Barong-Barong, Brooke’s Point, Palawan, Balabac, Palawan, Buliluyan, Bataraza, Palawan.
Gibutyag nga Oktobre 11, 1521 miagi ang grupo ni Elcano sa Jolo, Sulu kung asa siya na ang kapitan sa barko tungod patay na si Magellan.
Nakaagi gihapon ang mga nasampit sa Brgy. Tabi-awan, Isabela City, Basilan, , Cawit, Zamboanga City ingon usab sa Zamboaga City, Oktobre 15, ibutang ang historical marker sa Pagadian City.
Samtang Oktobre 19, 1521 nakaagi ang grupo ni Elcano sa Cotabato City, October 25 sa Kamanga, Maasim, October 26 sa Brgy. Batulaki, Glan, October 27 sa Balut Island og October 28 sa Sarangani Island, Sarangani, Davao Occidental.
