SARANGANI PROVINCE– Mismo si Sarangani Gov.Steve Chiongbian Solon ang mapasalamaton sa Ginoo nga nagpabilin ang probinsya nga walay natala nga kumpirmadong kaso sa coronavirus disease 2019.
Matud pa niini, ang Kahitas-an ang yawe sa tanan nganong nagpabilin gihapon nga covid -free ang Sarangani.
Matud pa niini,dakong butang atol sa ECQ ang pagtinabangay sa pito ka mayor kung asa nagpakita og team work ingon man wala nagpasagad sa ilang mga konstituwente.
Gipasalamatan usab ni Gov. Solon ang kooperasyon sa tanang residente sa Sarangani kung diin misunod sa mga patakarang gipatuman aron malikayan nga masudlan ang probinsya sa makamatay nga sakit.
Nagpasalamat usab ngadto kang GenSan Mayor Ronnel Rivera tungod sa wala usab pagpasagad sa mga PUM nga taga Sarangani nga naa karon sa mga ospital sa dakbayan.
Tanang pamaagi ang ila gihimo nila aron dili masud-an og virus ang lugar kung asa sunod-sunod ang pagpagawas og pondo gikan sa panudlanan sa probinsya aron adunay magamit sa mga panginahanglanon aron batukan ang covid 19.
Samtang gipaklaro ni Gov. Solon nga dili tinuod nga tanang pamilya sa Sarangani ang matagaan sa ayuda gikan sa Social Amelioration Program sa gobyerno.
