North Korea, nagpabuto og ballistic missile sumala sa South Korea’s Joint Chiefs of Staff

Nagpabuto og ballistic missile ang North Korea padulong sa sidlakan karong adlawa Domingo, Abril 19, 2026, sumala sa report sa South Korea’s Joint Chiefs of Staff.

Kini ang unang missile launch sa Pyongyang sukad Abril 8 ug kabahin sa serye sa ilang mga pagsulay karong tuiga.

Wala pa’y pahayag ang South Korea’s Defense Ministry bahin sa maong insidente.

Ang maong lihok giisip nga dugang presyon sa rehiyon samtang nagpadayon ang tensyon sa Korean Peninsula.

Kasagaran kining gikontra sa United Nations ug uban pang internasyonal nga organisasyon tungod sa hulga sa seguridad.

Ang pinakabag-o nga pagpabuto nagpakita pag-usab sa agresibong baruganan sa North Korea nga nakaresulta og kahadlok sa South Korea ug Japan.