Giklaro sa Office of the Vice President (OVP) nga wala migawas nga ‘desperada’ si Vice President Sara Duterte human sa pagbisita niini kang kanhi Vice President Leni Robredo sa Naga City, Camarines Sur.
Gipagawas ang pahayag human nga daghan ang nakurat dihang sorpresa nga gibisita ni VP Sara si Robredo bisan nga dili limod sa tanan kung unsa kini ka-kontra sa iyang amahan nga si Kanhi President Rodrigo Duterte.
Sumala sa opisina ni VP Sara, aduna siyay higala nga Bicolano nga nag-imbitar kaniya sa centennial anniversary mass sa Canonical Coronation of Our Lady of Peñafrancia.
Ang maong higala mao ang nag-arrange sa casual meeting ni Sara kang kanhi Vice President Robredo.
Gidugang usab nga samtang anaa sa Naga, nagpakigkita usab si VP Sara sa uban nga prominente nga personalidad sa Bicol og nagtambong usab sa misa.
“Vice President Sara Z. Duterte is excited to experience her first-ever Peñafrancia fiesta. She was invited by a Bicolano friend to attend the centennial anniversary mass of the Canonical Coronation of Our Lady of Peñafrancia on September 20. The same friend also arranged a casual meeting with former Vice President Leni Robredo,”
kabahin sang statement.
“During her stay in Naga, Vice President Duterte visited several prominent Bicol personalities and heard mass with ordinary Bicolanos. She neither looked desperate nor distressed.”
Sa bulag nga statement ni Robredo, gibutyag niini nga personal og dili political ang ilang giistoryahan.
“While she was in Naga City for the Penafrancia Festival, VP Sara Duterte took the opportunity to visit me at my home. The conversation we had was personal and not political,” suno sa anay bise-presidente.
Sa statement usab ni Barry Guttierez, Ex-Spokesperson ni Robredo, gibutyag niini nga nga gi-welcome ni Leni si VP Sara bisan gipahibalo siya sa iyang pagbisita minutos lamang una ang pag-abot niini.
Milungtad ug usa ka oras ang ilang pag-istoryananay apan wala nay detalye nga gipagawas kun unsa ang ilang topiko.
Interesante kini nga timing sa pagbisita ni VP Sara tungod sa nakalabay nga adlaw, gibutyag niini nga dili sila managhigala ni President Ferdinand ‘Bongbong’ Marcos, Jr. og “never again” nga mag-uban sila sa eleksyon.
Kahinumduman nga tandem silang VP Sara og PBBM ilawom sa UniTeam kaniadtong 2022.
Si Leni nga ginasuportahan usab sa ‘Kakampinks’ mao ang gikonsidera nga pinakadako nila nga kaatbang sa maong tuig dihang midagan usab kini sa pagka-presidente.
