Nagtakda ang Sandiganbayan Fifth Division ug eskedyul alang sa pagmarka sa mga ebidensya sa kasong plunder batok kang Sen. Jinggoy Estrada ug uban pang mga akusado.
Ang pagmarka sa eksibit ipahigayon sa Hulyo 3, 10, ug 24, sa alas 9 sa buntag ug ala 1 sa hapon.
Mahitungod sa husay sa piyansa, kini gikatakda sa Hulyo 8, 9, 13 hangtod 17, 20, ug 27 hangtod 30, sa alas 1 sa hapon, samtang kini magpadayon sa Hulyo 31, sa alas 9 sa buntag.
Sa wala pa kini, ang arraignment o pagbasa sa akusasyon ipahigayon sa Hunyo 30.
Ang mga kauban ni Estrada nga akusado naglakip sa kanhing Kalihim sa Department of Public Works and Highways (DPWH) nga si Manuel Bonoan ug pipila ka mga opisyal sa inhenyeriya sa Metro Manila.
Si Estrada kaniadto mihimakak sa mga pasangil, nga nag-ingon nga kini may kalabutan sa iyang posisyon sa “independent majority bloc” sa Senado.
