Gimando sa Sandiganbayan ang Criminal Investigation and Detection Group (CIDG) ug mga opisyal sa PNP General Hospital nga dad-on si Senador Rodante Marcoleta sa Philippine General Hospital (PGH) aron ipaubos sa medical examination karong Martes.
Gipagawas sa Sandiganbayan Third Division ang maong mando nga ipailalom si Marcoleta sa medikal nga eksaminasyon sa PGH.
Sumala sa hukmanan, dad-on si Marcoleta sa mga sakop sa CIDG ug mga opisyal sa PNP General Hospital ngadto sa PGH alas-12 sa udto.
Gimando usab sa korte ang mga doktor nga mosumite sa resulta sa medikal nga eksaminasyon ug motambong sa korte alas-8:30 sa buntag sa Miyerkules aron ipasabot ang ilang mga nakaplagan.
Human sa medical examination, ibalik si Marcoleta sa PNP General Hospital ug ipaatubang pag-usab sa Sandiganbayan sa Miyerkules.
Gimando usab sa hukmanan ang mga otoridad nga mosumite og report sulod sa tulo ka adlaw isip pamatuod nga ilang gituman ang maong mando sa korte.
