Posibleng maapil sa Witness Protection Program (WPP) sa gobyerno ang mitumaw nga saksi nga naglambigit kang Bamban, Tarlac Mayor Alice Guo ngadto sa “boss of bosses” sa mga illegal POGO mao kini ang pamahayag ni DOJ Undersecretary Nicholas Felix Ty.
Dugang pa niini nga ang paglakip sa saksi sa proteksyon sa saksi nagdepende sa pagtimbangtimbang sa mga awtoridad sa gobyerno ug mga piskal nga nagpahigayon sa mga interbyu.
Matud usab sa opisyal nga dugang ebidensiya kini kon ugaling dunay lig-ong ebidensiya batok kang Guo sa iyang kalambigitan sa ilegal nga POGO.
Suportado usab kini ni Presidential Anti-Organized Crime Commission (PAOCC) Executive Director Gilber Cruz ug niingon nga lig-on ang mga gibutyag sa kanhi kauban sa dinakpan nga “Godfather” o Big boss sa POGOs nga si Lyu Dong kalabot kang Guo.
Si Lyu Dong o Lin Xuhan nadakpan sa unang higayon niadtong miaging semana sa gipahigayong raid sa mga awtoridad sa Biñan, Laguna. Gihimakak ni Lin ang tanang pasangil batok kaniya.
Ang mitumaw nga saksi nga usa sa mga kanhi empleyado ni Lin o nailhan usab nga Boss Boga mibutyag usab kaniadto nga iyang nakita si Alice Guo nga nakigtransaksyon kang Lin. Gikataho nga nailhan usab nila si Guo nga “Madam Wah.”
Siya niingon nga si Lin maoy naggasto sa pagtukod sa POGO Hongsheng Gaming nga nahimong Zun Yuan Technology nga nahimutang sa Baofu Land Compound sa Bamban, Tarlac.
Giingong gi-report usab ni Guo ngadto kang Boss Boga ang status sa katukoran sa Zun Yuan, hinungdan nga ang 2 giingong kauban.
Samtang, suno kay USec.
Ang pangalan ni Madam Hwa nigawas na kaniadto sa ilang imbestigasyon sa POGO sa Bamban, mao nga bisan og wala siya motunga sa ubang POGO, igo na lang nga gilambigit sila si Madam Wah ug Alice Guo sa POGO sa Bamban alang sa kaso batok kaniya.
