Miingon ang Armed Forces of the Philippines (AFP) nga ipadayon ang ilang regular rotation and resupply (RORE) missions sa ilang military outposts sa West Philippine Sea bisan pa sa pagnagbangi sa China.
Gitataw ni AFP Chief-of-Staff Romeo Brawner Jr., nga ilang responsibilidad ang paghatag og mga kinahanglanon sa mga tropang Pilipino nga nadestino sa nagkadaiyang bahin sa WPS, sama sa Ayungin Shoal ug Pag-asa Island.
Mao kini ang pinakaulahing pahayag sa AFP human sa kapin sa usa ka semana sukad nag-engkwentro ang mga Chinese personnel ug mga tropang Pilipino didto sa Ayungin Shoal, nga maoy hinungdan sa pagkawala sa kumagko sa usa ka Philippine Navy personnel.
Gipadayon usab sa AFP nga adunay katungod ang Pilipinas sa pagpahigayon og mga misyon sa teritoryo niini sa WPS.
