-- ADVERTISEMENT --
Aksyunan sa Senado ugaling pormal nga i-file ang resolusyon nga nagpabasura sa impeachment case batok kay Vice President Sara Duterte.
Kini ang gibutyag ni Senate President Chiz Escudero taliwala sa milibot nga draft resolution nga nagpabasura sa impeachment case kontra kang Duterte nga sa kaulahian giangkon ni Senator Ronald “Bato” dela Rosa nga gikan sa iyang opisina.
Matod kay Escudero, kung adunay magpasang-at og resolusyon og adunay mag-mosyon , aksyunan, paga-debatehan og pagabotohan kini sa plenaryo.
Muagi matod pa kini sa proseso susama sa ubang mga resolusyon nga gisang-at sa taas nga kapulungan apan dili sa impeachment court.
