Nagpadayon karon ang recue operation alang sa kapin sa 200 ka mga hiker nga natanggong sa mga bakilid sa pinakataas nga bukid sa kalibutan, ang Mt. Everest, human sa usa ka dako nga pagdahili.
Gikataho nga gibakwit sa mga rescuer ang mga 350 ka mga hiker sa luwas nga lugar
Daghang mga tolda ang nalubong ilawom sa niyebe samtang ang mga rescuer mibakwit sa mga grupo sa mga turista gikan sa pagdahili.
Sa sayo pa, daghang mga turista ang nag-trekking agi sa Tibetan valley paingon sa silangang bahin sa Mount Everest kaniadtong milabay nga sabado ug dominggo , dungan sa pagsugod sa walo ka adlaw nga national holiday sa China.
Ang maong dapit kay sikat nga hiking spot sa mga turista, ilabi na panahon sa gitawag nga “Golden Week” holiday.
Ang insidente nahitabo taliwala sa pipila ka adlaw nga dili maayo nga panahon sa rehiyon.
Sa silingang Nepal, labing menos 47 ka mga tawo ang namatay sukad kaniadtong Biyernes human sa kusog nga ulan hinungdan sa pagdahili sa yuta ug pagbaha.
