Mibuwelta si Davao City 1st District Representative Paolo “Polong” Duterte human siya gi-file-an og reklamo sa Office of the Ombudsman may kalabotan sa mga flood control projects sa iyang distrito.
Matod sa kongresista, walay basehan ang mga akusasyon ug giingon niya nga ang maong proyekto miagi sa legal nga proseso sa gobyerno. Gipasabot usab niya nga ang mga proyekto alang sa proteksyon sa komunidad batok sa pagbaha ug dili para sa personal nga interes.
Gidugang ni Duterte nga andam siya moatubang sa imbestigasyon ug motubag sa hustong forum aron mapadayag ang tinuod nga panghitabo. Samtang sa pagkakaron, wala pa’y opisyal nga desisyon ang Ombudsman bahin sa reklamo, apan gilauman nga mosunod ang dugang nga pag-verify ug imbestigasyon sa maong isyu.
