Gipasakaan og patung-patong nga kasong libel sa gitawag nga “DDS vloggers” si Surigao Del Norte 2nd District Rep. Robert Ace Barbers kagahapon, Marso 5 ning tuiga sa Quezon City Prosecutor’s Office.
Nanukad ang maong kaso tungod sa direktang pag-akusa matod pa sa kanila ni Barbers nga “narco vloggers” og may kalambigitan matod pa sa Philippine Offshore Gaming Operator (POGO).
Sumala kang former Press Secretary Trixie Cruz-Angeles nga usa sa complainants, dili sila makatulog og nahadlok sila og ang ilang pamilya human sa akusasyon ni Barbers.
Lakip sa misang-at og kaso batok kang Barbers mao ang former spokesperson sa National Task Force to End Local Communist Armed Conflict (NTF-Elcac) nga si Lorraine Badoy, Krizette Chu, ‘Joie de Vivre,’ Mark Anthony Lopez, Cathy Binag, Dr. Lorraine Badoy, MJ Quiambao, Jonathan Morales, ug uban pa.
Kahinumdoman nga Nobyembre 25, 2024 dihang nagsulat si Barbers kang NBI chief Jaime Santiago tungod sa iyang alegasyon nga may vloggers nga ginapondohan sa illegal drug traders og POGO aron nga magpakatag og fake news.
