Gikahinaman karon dili lamang sa mga pinoy kundili sa tanan tibuok kalibutan ang rematch ni Naoya Inoue batok kang pinoy boxer Nonito Donaire nga matigayon karong Hunyo 7 , adlawng Martes alas 3 sa hapon.
Kahibaluan nga matigayon ang away sa duruha sa Saitama super Arena sa Tokyo Japan kung asa mag atbang ang duha ka beteranong boksingero sa bantam weight division.
Matud kang Bombo International Correspondent sa Japan nga si Myles Beltran nga dili niya maingon ang ang presyo sa pinakamahal nga presyo sa ticket apan gibutyag niini nga ang maximum capacity sa venue 35,500 ug sold out na matud pa ang mga ticket niini.
Gikabutyag usab ni Beltran nga padayon gihapon ang pagsul ob ug face mask sa lugar. Sumala kaniya nga hugot gihapon nga ginapatuman nga patakaran gumikan padayon gihapon ang pakigbatok sa covid-19 , ug matag restaurant , department store ug uban pang mga establisyemento automatic nga may screen nga maoy mag check kung may hilanat ang usa ka indibidwal o wala.
Nasayran usab nga may mga nagpustahanay kung asa time 3 ang madawat niini kung madaug ang ilang gipustahan nga si DOnaire. kalabutan sa belt o korona nga makuha sa makadaug sa maong dula makadawat ug tulo ka bakus ug kini ang WBC , WBA ug IBF.
